Un servizo permite crear falsas portadas de revistas con fotografías remitidas polos usuarios

Para os usuarios que queiran rir un pouco coas súas fotografías dixitais simulando a súa aparición na portada das revistas máis famosas dos EE.UU. nace un novo servizo web, MagMyPic, que permite o envío de imaxes en formato JPEG, GIF ou PNG de menos de 300 Kbps para transformalas en portadas de revistas coma National Geographic, Playboy, Time, People, Sports Illustrated, Vogue, Fortune ou Rolling Stone, para o que incluso se achega o código correspondente para publicar as imaxes resultantes en webs e blogs.
O servizo está a ter certo éxito entre distintos blogs, e mesmo permite a consulta de portadas xeradas no mesmo por outros usuarios, de xeito que se converte en todo un divertimento para visitantes ocasionais.