Rojadirecta recuperará os seus dominos .com e .org</Em>
xoves, 30 de agosto do 2012
Hai preto de 19 meses as autoridades estadounidenses embargaron os dominios de
Internet rojadirecta.com e rojadirecta.com, nunha polémica actuación na que
parecían estar a usurpar a soberanía española, por actuar contra un servizo web
que xa fora declarado legal polos tribunais españois en dúas ocasións, pero os
responsables desta páxina web oleirense non se renderon e levan dende ese
momento reclamando a través dos seus representantes legais en San Francisco e
New York a devolución dos seus principais dominios de Internet (actualmente
operan baixo o dominio rojadirecta.me, que está fóra do alcance das autoridades
norteamericanas), o que levounos a demandar ao Goberno, ao Ministerio de
Seguridade Nacional e ao Departamento de Inmigración e Custodia dos EE.UU.,
provocando a denuncia do Goberno aos dominios afectados, solicitude que onte
retiraron, o que provocou
que a Corte do Distrito Sur de New York ordenase a devolución dos dominios.
Dende Puerto 80 Projects xa están a realizar as xestións para que nas vindeiras
horas Rojadirecta volva a estar dispoñible a través de rojadirecta.com e
rojadirecta.org, dominios que segundo os seus responsables “nunca deberon ser censurados”.
Non faltan voces que consideran que este
tipo de actuacións das autoridades estadounidenses resultan inaceptables,
pois bloquean o acceso a páxinas web durante moitos meses, sen explicación
algunha e sen apoio legal para iso, e non aceptan ningún tipo de responsabilidade
sobre os seus abusos tras desistir na súa incautación de dominios de Internet e
nin sequera dan conta dos motivos que os levan a desestimar voluntariamente a denuncia aos dominios
de Rojadirecta.