O videoblog de Quintana incorpora novas ferramentas para os internautas
venres, 14 de novembro do 2008
- Andrés Milleiro faille unha pregunta ao vicepresidente da Xunta a través da sección Fálame de Quin.tv
O videoblog do voceiro nacional do Bloque
Nacionalista Galego (BNG), Anxo Quintana, Quin.tv,
vén de renovarse ao incorporar ás súas ferramentas de navegación unha nova
sección dende a cal, os e as internautas que o desexen, pódense dirixir a el
por vídeo e expoñerlle as súas preguntas, suxestións ou valoracións persoais.
A nova ligazón do blog do nacionalista leva
por título Fálame e xa conta coas primeiras
achegas dos internautas, que lle cuestionan dende temas relacionados co fútbol
ata “que pasará con Citröen”, pasando
por suxestións útiles para alternativas de transporte.
Asemade, o videoblog vén de incorporar unha
nova sección, que se fai chamar Espalla,
onde os usuarios poden incorporar importantes novidades para espallar Quint.tv
polas redes sociais como o Widget, unha páxina de promoción en Facebook e
canles en Twitter e Lareta para avisar de actualizacións.
Para aqueles internautas menos experimentados
na materia, o blog de Quintana tamén vén de incorporar un apartado de axuda onde
se explica con detalle como subir un vídeo e os pasos que hai que seguir para
facelo correctamente.