Microsoft abre en probas o seu servizo de almacenamento en liña de balde
luns, 13 de agosto do 2007
Microsoft leva tempo probando un servizo de
almacenamento de ficheiros de balde, que agora
se abre a usuarios de todo o mundo nunha nova versión de proba que agora se
chama Windows Live SkyDrive e que nun
principio permite almacenar ata 500 Mb repartidos en cartafoles persoais,
compartidos e públicos, funcionando en case calquera equipo informático e
navegador.
O servizo coñecÃase coma Windows Live Folders, e só estaba accesible dende
EE.UU., pero coa apertura global do Windows Live SkyDrive poderiamos estar ante
unha nova carreira polo almacenamento en liña, que resulta especialmente útil
para usuarios móbiles, persoas que queiran compartir ficheiros e mesmo como
solución de almacenamento de copias de seguridade dos nosos documentos máis
sensibles.