Marvel Comics decláralle a guerra ó P2P
martes, 4 de decembro do 2007
A loita contra a distribución de ficheiros a través
das redes P2P xa non se limita a contidos musicais e cinematográficos, pois
Marvel Comics, que xa conta
cun servizo que permite o acceso en liña
ó seu catálogo mediante subscrición, declaroulle a guerra a varias webs nas
que se intercambian comics dixitalizados.
Ata o momento as webs Z-Cultfm.com
e ComicSearch.co.uk
recibiron notificacións de Marvel pedÃndolles que retirasen os ficheiros .torrent que leven a contidos protexidos
polo copyright, iniciativa á que tamén
se están a unir os editores DC Comics e Top Cow Comics, o que non
está a agradar ós afeccionados, que ven como a Industria non sabe
revitalizar un sector que leva moitos anos en crise, pois ten problemas para
atraer a novos lectores.
Os defensores do intercambio de comics dixitalizados aseguran que iso non
afecta directamente ás vendas, xa que estas copias servirÃan para botar un ollo
ás obras, de xeito que os seguidores fieis continuarán a facer as súas compras
habituais, pero a Internet lles permite mirar as novas coleccións para saber se
son do seu interese. Incluso hai quen defende que prefiren ler os comics
dixitalizados para poder gardar os orixinais en bolsas de plástico libres de ácido
para a súa conservación a longo prazo.