Directodelcampo.com potencia o consumo responsable de alimentos
venres, 3 de abril do 2009
Un
dos problemas que a sociedade rural (que vive tanto da gandería como da agricultura)
máis lle reclama ao goberno central, é a existencia de demasiados
intermediarios entre eles e o consumidor final, que as máis das veces,
encarecen os produtos e se quedan con boa parte duns beneficios que lle
deberían pertencer a eles.
O
portal Directodelcampo.com é un servizo
que, precisamente para paliar isto, pon a disposición dos consumidores os
produtos recén chegados do produtor, sen ningún intermediario de por medio que
se quede coas ganancias e que almacene os alimentos durante un largo periodo de
tempo facendo que a súa calidade merme.
Agora
ademais, para ir máis lonxe e tratar de evitar (de paso) que a sociedade siga
as pautas dun dos países máis industrializados e consumistas do mundo, EEUU,
alimentándose mal e a correr, esta web e máis a Fundación Félix Rodríguez de la Fuente veñen de asinar un
convenio de colaboración mediante o cal pretenden potenciar o consumo
responsable de alimentos por parte dos internautas.
Grazas
a este acordo, as dúas organizacións intercambiarán espazos e brindaranse apoio
mutuo para comunicar e divulgar as actividades que tanto a FFRF como o portal
web líder en produtos do campo realizan para fomentar o consumo responsable de
alimentos de produción local e máxima calidade.
Isto
permite, segundo vén de afirmar a directora xerente da FFRF, “lograr uns hábitos de alimentación máis
saudables e conservar a nosa biodiversidade para contribuir a un
desenvolvemento rural sostible”.