Amazon estrea Prime Music en España
mércores, 6 de xuño do 2018
Ao igual que a semana pasada chegaba
a España o servizo Prime Reading, que ofrece centos de libros electrónicos
sen custo adicional para os subscritores de Amazon Prime (unha especie de
versión reducida de Kindle Unlimited),
agora temos tamén o seu equivalente musical, Prime Music, que achega 2 millóns
de cancións e 40 horas de música ao mes sen publicidade, asà como a
posibilidade de gozar da música sen conexión, un interesante incentivo para os
subscritores Prime, pero que está moi lonxe de Music
Unlimited, que ten un catálogo de máis de 50 millóns de cancións. O enriquecemento
da oferta de servizos incluÃdos en Prime reforza os rumores de que este mesmo
ano subirán o prezo de tal subscrición a máis do dobre do seu prezo actual.
Prime Music ofrece temas musicais de grande variedade de artistas, contando
tamén con emisoras personalizadas e ducias de listaxes de reprodución entre as
que non faltan os grandes éxitos do momento, resultando asà un servizo moi
interesante para quen queira escoitar música dun xeito ocasional (mentres que
para usuarios máis intensivos o catálogo musical é claramente deficiente).
O servizo musical pode consumirse dende o ordenador, asà como en dispositivos que
funcionen con iOS ou Android, facilitando asà o levar a música connosco para
escoitala onde teñamos acceso á Rede (sendo tamén posible descargar a música
para non ter que consumir datos en mobilidade).