Amazon ofrece libros electrónicos de balde aos subscritores de Prime
mércores, 30 de maio do 2018
En
2014 chegou a España o servizo Kindle Unlimited, consistente nunha tarifa
plana de libros en formato electrónico que comercializa Amazon a un prezo de
9,99 euros/mes, e hoxe, a grande plataforma de comercio electrónico trae ao
noso mercado unha variante do servizo, Prime Reading,
que conta cun catálogo de libros inferior, pero que chegan sen custo adicional
para os subscritores de Amazon Prime.
Con Prime Reading podemos retirar virtualmente até 10 libros simultáneos do
catálogo ofrecido (con máis de 500 libros), para a súa lectura en distintos
dispositivos (dende o lector de libros electrónicos Kindle até no noso
smartphone).
AÃnda que o catálogo de libros de Prime Reading é moi inferior ao de Kindle
Unlimited, cómpre indicar que a súa selección é proporcionalmente mellor,
contando xa con volumes como Harry
Potter y la piedra filosofal, os libros adaptados a televisión House
of Cards e American
Gods, obras de autores con relevancia na Internet, como Machismo:
8 pasos para quitárselo de encima de Barbijaputa, e incluso algunha
banda deseñada (en inglés) como Planet
Hulk.
Actualmente Amazon Prime inclúe envÃos rápidos de balde, un servizo de series e
pelÃculas, descontos na subscrición dun servizo musical, almacenamento
ilimitado de fotografÃas en liña, Twitch Prime, acceso prioritario a ofertas...
e agora tamén Prime Reading, dando a impresión de que o enriquecemento
progresivo deste aglutinador de servizos ten unha intención moi clara: poder
subir a súa cota anual, que actualmente é de 19,95 euros, cando en EE.UU. (onde
a oferta é moito máis ampla) xa cobran 119 dólares/ano. De feito, o ruxerruxe
de que Amazon quere subir o prezo de Prime en España a uns 50 euros leva tempo
escoitándose.