A Europeana (Biblioteca dixital europea)poderá ser unha realidade no vindeiro outono
martes, 12 de agosto do 2008
As bibliotecas de Europa teñen máis de 2.500
millóns de libros e tan só en torno ó 1 por cento do material arquivado está
dispoñible de xeito dixital para ser consultado en liña.
É por isto que a Comisión
Europea vén de instar aos paÃses membros a facer máis para que as obras
dixitalizadas poidan ser consultadas virtualmente por tódolos cidadáns e
asemade, vén de anunciar que aportará preto de 120 millóns de euros no periodo
2009-2010 para mellorar o acceso directo ó patrimonio cultural de Europa.
Deste xeito, e grazas ao proxecto Europeana
(biblioteca dixital Europea), que poderá converterse nunha realidade o vindeiro
outono, tódolos europeos terán acceso a libros, música, pinturas, fotografÃas e
pelÃculas tan só a golpe de rato.
Segundo vén de informar a axencia EFE, os
visitantes das bibliotecas dixitais poderán descubrir, entre outros, exemplares
da famosa Biblia de Gutenberg no sitio web da Biblioteca Británica, as voces de
Maria Callas ou Jacques Brel no Institut National de l´Audiovisuel Français ou
a obra mestra de Leonardo da Vinci, A Mona Lisa.
A dixitalización das obras de cultura poderá
facilitar o acceso dos cidadáns aos materiais dos museos, bibliotecas e
arquivos do extranxeiro sen ter que viaxar durante horas ou visualizar
milleiros de páxinas ata dar coa información buscada.
A Comisión reafirmou hoxe o seu compromiso de
axudar aos estados membros a levar a Internet os seus contidos culturais pois o
coste total da dixitalización de cinco millóns de libros (sen contar
manuscritos e pinturas) ronda os 225 millóns de euros, cuantÃa que moitos
paÃses non poden afrontar sen axuda deste organismo.
A biblioteca dixital europea forma parte da
iniciativa 2010 adoptada pola Comisión o pasado 1 de xuño de 2005.