Samsung estrea os seus discos SSD de 64 Gb
martes, 11 de setembro do 2007
Antes do verán moitos
fabricantes estaban a anunciar os seus discos de memoria de estado sólido de 64
Gb que finalmente se converten nunha realidade, de xeito que hoxe Samsung
comeza a pór no mercado os seus discos SSD de 2,5 polgadas e 64 Gb de
capacidade, que veñen a ser os substitutos ideais para os discos duros nos
portátiles, presentando un consumo moito menor e permitindo mesmo unha redución
moi importante no ruÃdo xerado polos equipos (xa que as memorias Flash non
teñen motores coma os discos tradicionais).
Con 64 Gb xa se ten unha capacidade de almacenamento comparable á de moitos
outros portátiles, pero para poder estar realmente á altura algún fabricante
incluso permite a incorporación de dous discos SSD en serie para chegar a 128
Gb con esta tecnoloxÃa que promete converterse no futuro da informática portátil.
Ata o momento o único atranco que teñen para a súa comercialización dos discos
SSD é o seu elevado prezo (pois un disco de 64 Gb pode incrementar o prezo dun
equipo en 1.000 euros) pero estanse a converter no estándar nos subnotebook e UMPC, nos que se inclúen discos
con capacidades máis reducidas (que teñen prezos moderados).