HP anuncia a compra de Palm por 1.200 millóns de dólares

Nas últimas semanas comentábase que os malos resultados económicos de Palm, compañía incapaz de manter unha forte posición no mercado tras o limitado éxito dos seus terminais Palm Pre e Pixi, o que levaríalle a buscar comprador, o que finalmente remataría bastante mellor do agardado, pois a compañía que decidiu optar pola adquisición de Palm resultou ser HP, por uns 1.200 millóns de dólares, o que permitirá combinar a forza de HP co potencial da plataforma móbil webOS.
Entendemos así que HP, en vez de estar a mercar a compañía popular hai uns anos polos seus PDA, estaría facéndose cun sistema operativo móbil realmente atractivo, que podería ser chave para unha estratexia a longo prazo, tanto na telefonía móbil, coma en tablets e ultraportátiles.
Aínda faltan distintos pasos para que a compra de Palm poida consolidarse, agardándose o peche da operación durante o terceiro trimestre fiscal que remata o 31 de xullo.

A operación podería levar á aparición dunha versión do HP Slate que funcione con webOS

Dende HP afirman que Jon Rubinstein, actual xerente de Palm, continuará na compañía, dando a entender que Palm continuará a funcionar con normalidade, dando soporte aos seus produtos actuais e centrando o seu traballo nos desenvolvementos móbiles, o que sen dúbida agradecerán dende HP, compañía que non conseguiu facerse un espazo no sector da telefonía móbil (os terminais iPAQ non lograron imporse aos BlackBerry e iPhone).
Aínda que HP e Palm non desvelaron o seu calendario de lanzamentos conxunto, certas afirmacións durante o anuncio da operación de compra de Palm deron a entender que nos vindeiros meses poderiamos ver un HP Slate que, en vez de funcionar con Windows 7 (ou Android) corra con webOS, o que sería unha interesante novidade nun sector que parecía estar a polarizarse entre só 2 axentes (Google e Apple).