Facebook Messenger permite facer chamadas de voz sobre IP en España
luns, 1 de abril do 2013
En xaneiro a aplicación Facebook Messenger estivo a ampliar
os seus servizos nos EE.UU. e Canadá, ofrecendo a
posibilidade de realizar a través da mesma chamadas de voz sobre IP, ou
sexa, para poder facer a través de Wi-Fi ou banda larga móbil con outros
usuarios da aplicación sen consumir minutos do noso plan móbil de voz, e que
dende hai uns días tamén está dispoñible dende España, coincidindo co
lanzamento británico desta funcionalidade que está a espallarse
internacionalmente, no que semella unha estratexia da compañía fundada por Mark
Zuckerberg para evitar que aplicacións como Viber, LINE ou Skype gañen peso en
plataformas móbiles (principal obxectivo da compañía de cara á súa expansión).
Para poder realizar unha chamada de VoIP a través de Facebook Messenger só hai
que ir á pestana de información de contacto da persoa coa que desexemos
comunicarnos e premer en “Llamada
gratuíta” (opción visible se o noso contacto conta con Facebook Messenger
no seu móbil).