Os controis da App Store en dúbida tras o éxito de descargas dunha aplicación pirata

Kimi logrou supear a YouTube en descargas, pese a súa evidente ilegalidade

Dende setembro do ano pasado figura na App Store unha aplicación para iPhone e iPad chamada Kimi, que dicía servir para comprobar a nosa fatiga visual, e que misteriosamente chegou a coarse entre as aplicacións máis descargadas. A causa? Que realmente a aplicación servía para ver series de televisión e películas piratas.
Resulta difícil entender como puido pasar os filtros de Apple durante tanto tempo unha aplicación que facilitaba o acceso de balde a numeroso contido audiovisual, e que non foi retirada da tenda de aplicacións até que se desvelou a súa finalidade real nos medios de comunicación, especialmente por ter superado a YouTube en descargas.