Ábrese a porta ao uso de dispositivos electrónicos durante todas as fases do voo
venres, 10 de xaneiro do 2014
Tras a autorización para
poder empregar dispositivos electrónicos persoais durante todas as fases dos
voos comerciais por parte da Axencia Europea de Seguridade Aérea (EASA)
chegou a hora de adaptar a lexislación española, e este xoves o Boletín
Oficial do Estado publicou unha resolución do 20 de decembro de 2013 coa
que a Dirección da Axencia Estatal de Seguridade Aérea fai o propio, permitindo
que poida autorizarse o uso de dispositivos electrónicos durante as manobras de
engalar e aterrar (aínda que no caso dos móbiles, estes deberán estar en modo avión).
Como excepción quedan os
ordenadores portátiles, que durante o despegue e a aterraxe deberán estar
gardados como equipaxe por motivos de seguridade (polo seu volume e peso).
De todos os xeitos cómpre matizar que o cambio da normativa non obriga ás
compañía aéreas a permitir o uso de dispositivos electrónicos durante todas as
fases do voo, senón que simplemente establece o procedemento para que estas
poidan retirar a prohibición anterior, sendo as compañías aéreas as que deberán
decidir a política a adoptar.