A Comisión Europea continúa a loitar contra a desinformación e a violencia en redes sociais
venres, 13 de outubro do 2023
Tras esixir
a Elon Musk e a
Mark Zuckerbeg que X e Meta loiten con máis forza contra a desinformación en
cadansúa plataforma ante a vaga de contidos manipulados que xurdiron por mor do
conflito armado en Israel, Thierry
Breton amplÃa a súa solicitude a TikTok, a quen pide especialmente que
protexa a nenos e mozos de contidos violentos e propaganda terrorista, asà como
outros tipos de contidos perigosos.
Pero aÃnda que poderiamos pensar que as tres solicitudes son iguais, no caso de
X/Twitter é bastante máis agresiva, xa que a compañÃa de Elon Musk abandonou o
Código de boas prácticas contra a desinformación que si adoptaron o resto de
plataformas sociais e tamén é a plataforma no que hai máis contidos ilegais con
moita diferenza, culpándose claramente diso a distintas medidas impostas por
Elon Musk no funcionamento de X. Por todo iso X é a única destas plataformas
que deron pé a unha
nota de prensa da Comisión Europea na que aseguran ter enviado unha petición
formal a X no marco da Lei de Servizos Dixitais, pedindo información sobre
as medidas que están a adoptar contra o contido ilegal e a desinformación, con
especial acento a difusión de contidos violentos e terroristas e discursos de
odio.
X deberá explicar á Comisión o funcionamento do seu protocolo de crise antes do
18 de outubro, mentres que para o resto de preguntas ten até o 31 de outubro
para responder, sendo bastante probable que esteamos simplemente ante o
primeiro paso para a apertura dun expediente formal polo incumprimento da Lei
de Servizos Dixitais.
Ante esta situación, mentres Elon Musk volve
facer o ridÃculo pedÃndolle a Breton que as comunicacións da Comisión con X se
realicen en aberto, Linda Yaccarino dá unha resposta máis formal,
asegurando que están a esforzarse ante o que está a acontecer en Israel, e
incluso publica
unha carta en resposta á misiva de Breton, na que asegura que en X non hai
espazo para organizacións terroristas e grupos extremistas violentos,
argumentando que eliminaron ou etiquetaron milleiros de contidos, asà como
fixeron que as Notas da Comunidade estean visibles en centos de publicacións,
xerando millóns de impresións (o que é unha resposta sumamente ambigua). Sobre
as solicitudes de autoridades dentro da UE asegura ter eliminado máis de 80
contidos.
Resulta bastante curioso que Yaccarino continúe a soster a postura de Musk de
reducir a visibilidade do contido ilegal, cando a lexislación fala da súa
eliminación. Tamén é abafante a cantidade de contido ilegal presente e a
lentitude en actuar contra el (as moi defendidas Notas da Comunidade tardan
tantas horas en ser visibles, se é que chegan a selo, que resultan inútiles
para frear a propagación de falsidades). Falta agora a resposta da Comisión
Europea, que dificilmente considerará que as medidas adoptadas por X son
dabondo para protexer aos cidadáns europeos dos discursos de odio e a
desinformación.