Zapd facilita a creación social de páxinas web dende o iPhone
martes, 13 de novembro do 2012
Para usuarios de iPhone que desexen publicar na Internet
cousas que vaian máis aló dunha mensaxe de Twitter ou unha fotografÃa en
Instagram, pero tampouco queiran molestarse en administrar un blog, teñen unha plataforma chamada Zapd que a través dunha aplicación móbil que
vén de estrar versión 2.0 permite a creación instantánea de páxinas web
atractivas (permite elixir entre un amplo abano de aparencias predeseñadas) e
adaptables a distintas pantallas (optimiza a súa presentación en función de
visitar o espazo web dende un ordenador ou un móbil).
- As páxinas web creadas dende Zapd poden verse en distintos dispositivos
Pero o atractivo de Zapd non é só que poidamos publicar dende o iPhone dun
xeito doado, senón que esta función tamén é social, permitindo que os nosos
amigos poidan contribuÃr na nosa páxina web e que reciban notificacións cando
publicamos actualizacións. Deste xeito temos unha atractiva solución para
compartir as nosas vacacións, eventos familiares ou cos amigos (vodas,
encontros deportivos...), proxectos fotográficos, promover unha pequena empresa...
e todo de balde.
A
ferramenta móbil de Zapd inclúe funcións de retoque fotográfico (para
recortar e optimizar as imaxes que capturemos co móbil antes de compartilas), a
posibilidade de subir varias imaxes á vez e intégrase os contactos que teñamos
no móbil e os amigos que teñamos en Facebook, facilitando, en suma, a
posibilidade de crear unha páxina web dende o móbil en apenas 60 segundos, o
que agradecerán especialmente os usuarios máis creativos que desexen fuxir do
PC.
VÃdeo de presentación de Zapd