YouTube permite acompañar os seus vídeos co son das vuvuzelas

O persoal detrás de YouTube ten demostrado en numerosas ocasións ter un grande sentido do humor, e nas últimas horas volveron a facer gala de tal ao incorporar no seu reprodutor de vídeo unha icona cun balón de fútbol que ao premer sobre a mesma inicia un molesto zunido emulando ás vuvuzelas que estes días están tan de actualidade co gallo do Mundial de Fútbol.
Mentres que o botón da vuvuzela está pulsado resulta practicamente imposible entender o que din nun vídeo, e resulta tan incómodo coma seguir os primeiros partidos de fútbol do Mundial (ao parecer, nos seguintes encontros aplicaron varios filtros para minimizar os escándalo sonoro do polémico instrumento que é todo un perigo para a saúde auditiva dos seareiros do deporte rei).