YouTube aumenta as posibilidades de incrustación dos seus vídeos en páxinas web

Os usuarios que colguen nos seus blogs vídeos de YouTube poderán prescindir xa de instrucións nas que indican aos seus lectores que o interesante dun clip está a partir do segundo minuto pois dende o portal de vídeos veñen de ampliar as posibilidades dos seus parámetros, de xeito que no código HTML que se pega en páxinas web se pode indicar o segundo no que se quere que comece a reproducirse un clip e mesmo se pode activar ou desactivar a opción de auto-reprodución ou o botón que permite amosar o vídeo a pantalla completa.
O uso destas novidades é tan sinxelo como engadir aos enderezos web de YouTube dentro do seu código os sufixos &start=25 (para iniciar un vídeo no segundo 25), &fs=1 (para amosar o botón para ver o vídeo a pantalla completa) ou &autoplay=1 (para activar a reprodución automática).

Exemplo de vídeo no que se presenta o botón de pantalla completa e se inicia o clip no segundo 27