Xiaomi vai camiño de dobrar a facturación do ano pasado

O fabricante chinés de móbiles Xiaomi está a demostrar a forza que están a coller os fabricantes do seu país no mercado de smartphone ao dar a coñecer os seus resultados económicos da primeira metade do ano, na que conseguiron ingresar 13.270 millóns de iuans (1,654 millóns de euros) superando os 12.600 millóns de iuans que facturaron durante todo 2012, crecemento moi importante tanto proporcionalmente como en números absolutos, deixando claro que é un fabricante a ter moi en conta.
O director xeral da compañía, Lei Jun, asegura que boa parte destes bos resultados corresponde aos 7,03 millóns de móbiles Xiaomi que venderon os últimos meses, aínda que actualmente teñen outros accesorios que están a vender moi ben (como un reprodutor multimedia baseado en Android). Estiman que actualmente hai uns 20 millóns de usuarios de dispositivos de Xiaomi en todo o mundo, dos que 14,22 millóns concéntranse nos territorios chineses, de aí que en Europa aínda non sexan moi coñecidos, o que é posible que mude nos vindeiros meses, pois xa manifestaron ter interese en achegarse ao noso mercado.