Wuaki.tv permite visualizar contidos sen conexión á rede
venres, 11 de setembro do 2015
O servizo de cinema en
streaming Wuaki.tv vén de
dar a coñecer unha importante novidade de uso e accesibilidade sobre
o seu catálogo de películas e series: a partir de agora, os
usuarios poderán descargar os seus contidos en dispositivos iOS e en
determinados trebellos con Android, o que lles vai permitir
visualizalos mesmo sen conexión a Internet (até o de agora, a
plataforma de Wuaki.tv baséase no streaming con conexión).
Segundo informan os responsábeis da empresa, este engadido fai que o
servizo sexa quen de sacarlle terreo á competencia. E máis,
sinalan, “se se ten en conta que coa nova prestación os usuarios
poderán ver filmes e series coa mesma calidade de reprodución dende
calquera recanto no que se atopen”.
función, iso si, aínda
non está dispoñíbel para a maioría das plataformas de VOD. Para
os usuarios que si que poidan tirar partido do engadido, sinalar que
a taxa de contidos aos que abrangue esta función é arestora do 90%.
Estes filmes e series amosan un novo botón de Descarga que
aparece ao carón da opción Ver agora unha vez que realizamos
a venda ou o aluguer do contido seleccionado. Desta maneira, sinala
Wuaki.tv, poderemos comprobar se está dispoñíbel a opción de
descargar antes de facer calquera outra operación. O servizo está
operativo para todos aqueles dispositivos Apple cun sistema operativo
iOS 7 ou superior, incluíndo iPhone, iPad e iPod Touch, así como
para determinados dispositivos Android. A firma seguirá traballando
para ampliar a gama de dispositivos Android con funcionalidade
offline.