Wired retira un vídeo no que se explicaba cómo instalar Mac OS X nun ultraportátil

A revista Wired publicou na súa web un vídeo no que se explicaba cómo instalar o sistema operativo Mac OS X nun ultraportátil MSI Wind, o que non agradou a Apple, compañía que vén de solicitar á publicación a retirada do vídeo, e aínda que explican claramente que seguir as instrucións detalladas se pode infrinxir a licenza de uso de Mac OS X preferiron ser prudentes e eliminar da súa web o vídeo polémico.
O asunto non acadaría moita repercusión se non se publicase por mor dun malentendido que Apple denunciara a Wired polo titorial en vídeo, o que levou a moitas webs a detallar a loita de Apple contra a popularización de Mac OS X en equipos ultraportátiles, dos que a compañía de Cupertino non conta cunha liña de seu, pese a que ata o momento estaban a ser bastante tolerantes coa comunidade Hackintosh que aproveita a semellanza dos PC actuais cos equipos de Apple para instalar un sistema operativo pechado en ordenadores para os que non estaba destinado.