Windows 8 estrea unha versión pre-beta
mércores, 14 de setembro do 2011
- Steve Sinofsky foi o encargado de dar a coñecer as novas prestacións de Windows 8
Ata o vindeiro
venres Anaheim (California ) acolle ao evento BUILD,
organizado por Microsoft e orientado ao mundo do seu sistema operativo,
Windows, polo que aproveitaron a ocasión para iniciar un programa para
desenvolvedores aos que se lles permite a descarga dunha versión pre-beta de
Windows 8, que pese a estar lonxe do que será a nova iteración do sistema
operativo de Microsoft, serve para probar as súas funcionalidades tanto a nivel
de usuario como de programador (xa que esta versión pode descargarse coas
correspondentes ferramentas de desenvolvemento).
- Windows 8 será capaz de operar axeitadamente en tablets
Durante o encontro profesional, Steven Sinofsky, presidente da división de
Windows e Windows Live en Microsoft, realizou
unha presentación na que deu a coñecer moitos detalles sobre Windows 8,
como a súa interface gráfica (Metro) pensada para amosar información de
interese para o usuario e responder ao tacto sobre a pantalla do ordenador, a
comunicación entre as distintas aplicacións que usemos, a sincronización cos
nosos servizos na nube, unha tenda de aplicacións descargables, DirectX 11
(para unha mellor experiencia nos xogos), as mellores caracterÃsticas de
Windows 7 (como o feito de poder funcionar en equipos relativamente pouco
potentes con só 1 Gb de RAM), a posibilidade de funcionar con máis hardware (soportando
procesadores ARM, de xeito que tanto poderÃamos velo nun tablet como nun
ordenador cunha pantalla de grande tamaño), soporte de tecnoloxÃas que permiten
que cando non usemos o ordenador quede nun estado de espera de consumo reducido
que facilita unha rápida volta ao funcionamento (dando a impresión dun inicio
instantáneo) e, como non, compatibilidade coas aplicacións e dispositivos que
hoxe xa funcionan con Windows 7.
Esta reinvención de Windows converte ao contido no eixe do ordenador, permite
utilizar teclado, rato, stylus ou o propio dedo para introducir datos no equipo
e incluso permite utilizar tanto a interface de usuario á que estamos afeitos
en Windows 7 coa nova interface Metro. En definitiva, unha plataforma que,
aparte de ser unha evolución de Windows 7, tamén facilitará que os tablets co
sistema operativo de Microsoft deixen de ser unha mera anécdota.
- Windows 8 funcionará en moito máis hardware que Windows 7 (como en equipos con procesadores ARM)
- A interface Metro de Windows 8 é semellante á que utilizan os móbiles con Windows Phone 7