WhatsApp permite descargar adhesivos de xeito independente
martes, 5 de febreiro do 2019
O uso dos adhesivos nos chats converteuse
practicamente nun estándar, e a
incorporación de WhatsApp a esta tendencia non só foi tardÃa, senón que
tamén optou por un método bastante incómodo, consistente na descarga de lotes
de stickers a través dunha selección
de aplicacións en Android (método
que Apple vetou no iPhone por considerar que unha aplicación non pode
modificar o comportamento de outra por seguridade), pero dende a versión beta
de WhatsApp (que chegará á vindeira actualización oficial da aplicación)
podemos por fin explorar entre os paquetes de adhesivos dispoñibles e premer
sobre un en concreto para descargalo
de xeito independente engadÃndoo aos nosos stickers
favoritos, de xeito que para empregalo non temos que andar a explorar
grandes conxuntos de adhesivos que non son do noso agrado.
Para gozar desta prestación en Android temos que ter a versión 2.19.33 ou
superior da aplicación, aÃnda que tamén chegará a iOS a partires da versión
2.19.20.19, limitándose aos paquetes dispoñibles na tenda de adhesivos.
Pero este só será unha das novidades de WhatsApp que están por chegar, senón
que tamén se comenta que o sistema de pagamentos dentro da aplicación,
actualmente dispoñible na India, vai chegar a máis mercados, sendo México
un dos primeiros paÃses en contar con WhatsApp Payments, aÃnda que existe a
posibilidade de que en breve tamén estea dispoñible nos EE.UU., algo bastante
sorprendente pola pouca penetración que ten a ferramenta de comuncicación en
tal mercado.