WhatsApp está a bloquear a usuarios que empregan WhatsApp++ en iOS
martes, 7 de agosto do 2018
- Existen trucos para instalar aplicación como WhatsApp++ no iPhone sen facer jailbreak, pero o risco de empregar este tipo de ferramentas é moi elevado
Dende hai tempo existen versións alternativas de WhatsApp, con grande aceptación especialmente entre
usuarios de Android, pero que supoñen un grande risco, xa que carecen de
autorización do servizo, polo que poden supor o bloqueo dun número de teléfono
para o uso da ferramenta. No iPhone é menos frecuente o uso deste tipo de software,
xa que para a súa instalación hai que recorrer ao jailbreak ou a algún método semellante para poder instalar
aplicacións que non estean na App Store, de aà que non parecese moi probable
que dende WhatsApp fosen tomar medidas, pero finalmente están a dar
conta de usuarios que tras instalar versións modificadas de WhatsApp en iOS,
concretamente da aplicación WhatsApp++, están a ver como as súas contas de usuario
quedan bloqueadas.
Cómpre asà lembrar que WhatsApp só ten unha aplicación oficial para o seu
servizo, e o uso de aplicacións alternativas supón un serio risco, de xeito
que, en caso de detección, tanto pode recibirse unha suspensión temporal como
un bloqueo definitivo da conta (ou sexa, do número de teléfono para o seu uso
en WhatsApp) o que pode ocasionar grandes molestias, por supor certo nivel de
incomunicación en paÃses como España nos que o WhatsApp colleu o relevo case totalmente
das mensaxes de texto.