WhatsApp acada os 900 millóns de usuarios
venres, 4 de setembro do 2015
O servizo WhatsApp vén
de amosar as súas cifras respecto ao volume da súa comunidade, uns
números que desvelan calquera tipo de dúbida que se poida ter
acerca do seu dominio no ámbito da mensaxerÃa instantánea: un
dominio total e absoluto sobre os seus competidores (por exemplo Line
ou Telegram). En termos concretos, falamos
xa de máis de 900 millóns de usuarios, unha cantidade que non
só confirma que WhatsApp está por diante da competencia senón que
medra coma a escuma: hai ben pouco, en xaneiro, a comunidade estaba
integrada por 700 millóns de persoas.
Este fito acompañouse (e
complementouse) dunha serie de novidades recentes, como por exemplo
as chamadas de voz sobre IP ou a remodelación integral da feitura da
ferramenta para o sistema Android.
O éxito en número de
seareiros (estes 200 millóns de usuarios gañados en cuestión de
meses e os 700 que xa foran acadados en anos anteriores) cómpre
atribuÃlo, entre outras cousas, a factores como a compatibilidade
integral do servizo con todos os sistemas operativos de meirande uso,
o crecente ritmo de innovacións e novidades e o feito de ter
aproveitado como ningunha outra empresa a ampla marxe de
potencialidade comunicativa dos dispositivos conectados e
intelixentes. O resultado é a devandita cifra de usuarios e outros
datos como os máis de 1.000 millóns de descargas en Google Play
Store.