Vodafone lanza unha funcionalidade para acceder á programación de TV recente
venres, 4 de setembro do 2015
Vodafone España está a despregar o lanzamento do
servizo Últimos sete días, que permite aos usuarios de
Vodafone TV acceder ao contido emitido na última semana nunha
escolma de 40 canles xa integrados dentro da oferta habitual. Esta
funcionalidade, que segundo informa a operadora atópase despregada
xa para máis do 60% dos seus clientes, está previsto que chegue ao
100% da rede en novembro, e estará dispoñible para os clientes con
paquete de televisión Extra e Total.
Segundo engade a compañía, Últimos 7 días
permite ver “calquera programa emitido na última semana para un
conxunto de canles sen necesidade de gravar os devanditos contidos, e
sen que ocupe espazo no equipo do cliente”. Este servizo,
explícase, non ten custo engadido para os clientes e require ser
activado por parte do usuario para comezar a gozalo. Para máis
información habilitouse unha web específica que ao longo dos días vindeiras irá achegando completos datos sobre
o alcance e posibilidades da funcionalidade.