Vodafone achegará servizos de telecomunicación ao transporte público de Barcelona
xoves, 8 de outubro do 2015
Vodafone achegará
servizos avanzados de telecomunicación ao transporte de Barcelona.
Así o deu a coñecer esta semana a operadora, que foi adxudicada
pola empresa pública Transports Metropolitans de Barcelona para a
prestación de servizos por un período de tres anos prorrogábel por
“1 + 1”. Segundo informa a compañía, o desenvolvemento do
proxecto xa comezou e está previsto que remate este mes de novembro.
A adxudicación a Vodafone formalizouse a través de concurso
público.
A operadora resultou
gañadora pola “calidade e as vantaxes que ofrecía con respecto ás
necesidades de TMB”, sinala a compañía, que para este servizo ten
previsto facer no ámbito da dita empresa de transportes “unha
completa reestruturación da súa rede de telefonía fixa e datos
cara a unha solución máis moderna e innovadora, así como unha
migración das liñas fixas e móbiles á rede de Vodafone”. Entre
as solucións incluídas na súa proposta, Vodafone salienta o
proxecto de migración da voz fixa a TruckSIP (voz sobre IP), que
“permitirá xestionar de forma máis eficiente a súa rede de
datos, cunha importante mellora na calidade das comunicacións e co
consecuente aforro en custos que a medios prazo supón implementar
este tipo de tecnoloxías”. Por outra banda o proxecto abrangue
tamén a instalación dunha plataforma MDM que garantirá a
seguridade dos datos internos.