Vitae lanza un programa formativo para capacitar tecnoloxicamente aos nosos profesionais non TI
martes, 21 de setembro do 2021
Vitae
Consultores vén de elaborar, co reinicio do actividade formativa
neste mes de setembro, unha ambiciosa iniciativa de formación para
contribuír a implantar, a nivel profesional e empresarial, novos e
innovadores xeitos de traballar, xestionar recursos, comunicar,
colaborar e desenvolver. Trátase do seu Programa de Transformación
Dixital, que xorde directamente “dende a vertente máis humana da
tecnoloxía” e que está cen por cen ao servizo das e dos
profesionais que non pertencen á área TI (Tecnoloxías da
Información).
O
programa da consultora galega ten a súa orixe nunha realidade
constatada: a escaseza actual de traballadoras e traballadores neste
ámbito laboral das Tecnoloxías da Información, ao que se suma “a
ineficacia dalgunhas solucións para paliar esta escaseza”.
En
concreto, este Programa de Transformación Dixital consiste en formar
e capacitar a profesionais non TI en tecnoloxías e funcións TI que
sexan imprescindíbeis para os postos que desempeñan. “Non se
trata de converter a profesionais non TI en profesionais TI, pois ese
é un camiño que xa demostrou ser ineficaz, senón en capacitalos
cos coñecementos tanto tecnolóxicos como de xestión necesarios na
evolución tecnolóxica das empresas e mellorar a coordinación coas
áreas e profesionais TI das mesmas”, explican dende Vitae.
Estas
tecnoloxías e funcións TI da maioría dos postos de traballo,
engade a consultora, “resultan hoxe necesarios para calquera
profesional das novas ferramentas e, tamén, doutros ámbitos de
actividade, “pois a dixitalización xa non se pode obviar nin
atrasar por ningunha empresa”.
Este
programa componse de cursos independentes, tanto en modalidade en
aberto como en formato In Company, onde Vitae especificará as
actividades formativas do programa coa etiqueta Transformación
Dixital, polo cal distinguirase que estará orientado tanto a
profesionais non TI como TI.