Vitae achéganos aos mellores métodos para converternos en expertos en ciencia dos datos
martes, 3 de marzo do 2020
Co
remate do verán e o principio da primavera, imos ter unha nova
oportunidade para formarnos en xestión do coñecemento. Ou sexa,
para saber como poñer orde no que xeramos e no que xeran os demais
e, sobre todo, para aprender a atopar os elementos que nos van
axudar a afinar a puntería empresarialmente. Todo isto vén a conto
porque a consultora galega Vitae organiza, a cabalo entre marzo e
abril, unha nova edición (a sexta) do
seu Curso de Ciencia de Datos con Excel, Power Bi e R. Unha vez
máis, a actividade formativa porá o foco nun dos grandes valores
empresariais de sempre, o coñecemento, un activo que non ten valor
por si mesmo, en bruto, pero que xestionado, depurado, debullado e
adaptado ás nosas necesidades, axúdanos a garantir o éxito dun
negocio.
A
sexta convocatoria do curso celebrarase, da man de Vitae
Consultores, os días 27 e 28 de marzo e 3 e 4 de abril, no Hotel
Attica 21 da Coruña. Ao longo de 20 horas de actividade formativa,
Vitae brindaranos claves para mellorar a nosa relación cos datos, o
noso traballo investigador e a toma de decisións na nosa empresa.
Máis
polo miúdo, o obradoiro preséntase como un xeito de prepararnos
ante o que está por vir: un estado de cousas no que nada medrará
tanto e en tan pouco tempo como o coñecemento e os acubillos que a
recollen e a transportan.
Segundo
Vitae, o curso achega unha base firme para quen queira adicarse
plenamente á análise de datos, unha carreira que esixe
“coñecementos de extracción, limpeza e manipulación de
coñecemento, de técnicas de visualizado, así como de algunhas
metodoloxías introdutorias de estatística e algoritmia para
resolver problemas de negocio”. En palabras da consultora, no curso
“aprenderemos estes conceptos dende o principio e empregando
ferramentas familiares”.
Os
obxectivos concretos do curso son: achegar formación avanzada en
estatística (estatística descritiva, probabilidade básica,
variábeis aleatorias, probas e intervalos de confianza, probas de
hipóteses), visualización de datos con Excel e Power BI,
coñecemento da ferramenta libre R para a análise de datos e
visualización.
O
profesional que impartirá o obradoiro será novamente Antonio Soto
Rodríguez, enxeñeiro en Informática de Sistemas pola Universidade
da Coruña e profesional con máis de dúas décadas de experiencia
como consultor técnico experto e certificado, achegando formación
na Universidade Microsoft e a empresas e organismos como a NASA,
NASDAQ, PEMEX, SERGAS, Citroen, CEAGA, Inditex, Ferroplast, Banco
Popular, ABANCA, Xunta de Galicia ou Abertis.