Vitae achega metodoloxías de comunicación cliente-provedor para garantir o éxito de proxectos TIC
mércores, 29 de marzo do 2017
Vitae
Consultores, no seu camiño de axudar a que os nosos profesionais
TIC
sexan aínda máis TIC, impulsou estes días unha nova actividade
formativa directamente encamiñada a optimizar o diálogo entre
usuarios e avaliadores na captura de requirimentos. O obradoiro
Técnicas e
habilidades humanas na investigación, captura e análises de
requisitos estase a
impartir este mes de marzo. A súa orixe, a súa razón de ser, están
na propia evolución das novas tecnoloxías, un devir
no tempo (unha perspectiva)
que nos serve para ver
os porqués do fracaso dos proxectos de servizos TIC que remataron
en fracaso. Segundo
explica Vitae, boa parte desas iniciativas que non chegaron a bo
porto fallaban nunha pouco axeitada identificación e xestión dos
requisitos.
En palabras da consultora
galega, un dos principais desafíos da enxeñaría de software e
sistemas é conseguir que o analista entenda a fondo os problemas e
necesidades do negocio, e acadar que os resultados comprendan como a
solución proposta polo analista resolverá estas necesidades. Para
atallar esta problemática xurdiu precisamente o devandito obradoiro
de Vitae, que se está a desenvolver este mes de marzo nunha das
consultoras galegas máis referenciais, con máis de 800 empregados e
con sede en Santiago de Compostela.
Con este curso, sinala Vitae,
“preténdese fornecer as pautas metodolóxicas para facer unha
investigación eficaz das necesidades dos usuarios, mostrando unha
metodoloxía baseada na integración de habilidades técnicas,
habilidades interpersoais e actitudes para conseguir a correcta
identificación de requisitos e que se alcance o acordo desexado e
consciente, entre cliente e provedor, sobre o sistema ou servizo a
desenvolver”.
O programa está dirixido a
analistas de negocio e funcionais, xefes de proxecto, enxeñeiros de
desenvolvemento e interlocutores con TI en áreas de negocio. “O
que queremos”, engaden os formadores de Vitae, “é conseguir unha
visión de equipo entre cliente e provedor que conduza ao éxito do
proxecto”.
Por outro lado, lembrar que
prosegue a liña estratéxica da consultora tecnolóxica galega na
súa misión de ampliar a formación dos nosos profesionais no sector
TI. Vitae, ao fío disto, está a preparar novos proxectos e
obradoiros centrados tanto na área tecnolóxica como humana:
· Curso
de avaliación e selección avanzada de perfís TI (e non TI) baseada
en neurociencia, 6ª Edición.
· Curso
de Agile Tester Foundation.
· Curso
de experiencia de usuario e usabilidade en proxectos web.
· Protocolos
ante ciberataques e incidentes en seguridade TI.
· Xestión
multiproyecto: onde as metodoloxías preditivas e áxiles non chegan.
· Curso
en dirección e xestión de proxectos TI Áxiles con SCRUM, 18ª
edición.
· Curso
de Angular 2.