Vigo acollerá a Administración de Asistencia Dixital Integral de Galicia
mércores, 3 de marzo do 2021
Vigo
será a sede da Administración de Asistencia Dixital Integral de
Galicia, unha unidade da Axencia Estatal de Administración
Tributaria. A ministra de Facenda trasladou ao alcalde Abel
Caballero a elección da cidade galega para implantar un servizo que
ten por obxectivo “mellorar a atención aos contribuíntes con
medios telemáticos”.
En
concreto, a Axencia Estatal de Administración Tributaria pretende a
potenciación dos servizos de información e asistencia prestados aos
contribuíntes, priorizando o uso das novas tecnoloxías fronte aos
medios tradicionais de asistencia presencial.
A
primeira sede destas características estableceuse en Valencia e a
segunda empezará a funcionar proximamente en Vigo.
Esta
unidade administrativa, que dependerá directamente de Madrid,
contará con case un centenar de traballadores públicos (2
inspectores; 44 técnicos adicados a funcións tributarias de
información e asistencia; 1 técnico dedicado a tarefas de persoal e
recursos humanos; 1 técnico dedicado a labores de informática; 40
axentes da facenda pública; 4 administrativos (persoal de apoio de
labores de recursos humanos e informática).