Víctor Coladas ocupa a dirección do CIXTEC

O consello de dirección do Centro Informático para a Xestión Tributaria Económico-Financeira e Contable (CIXTEC) nomeou hoxe director deste organismo ao enxeñeiro informático Víctor Coladas en substitución de Mauro Fernández Dabouza, que vén de ser nomeado novo director do Centro de Supercomputación de Galicia (CESGA).
Víctor Coladas ten 39 anos, é enxeñeiro informático pola Universidade da Coruña e conta con formación especializada en Big Data e en mercadotecnia dixital. Na súa traxectoria profesional conta con ampla experiencia no eido da consultoría tecnolóxica, e ata agora traballaba na empresa tecnolóxica Grupo Oesía.

O CIXTEC

O Centro Informático para a Xestión Tributaria, Económico-Financeira e Contable é un ente de dereito público cuxas funcións son a realización das actividades derivadas da específica natureza da súa xestión, coidando da explotación e do mantemento das aplicacións mecanizadas e da execución dos procesos informáticos, e actuar como órgano de apoio informático aos servizos da Consellería de Facenda.