Univision faise con Gawker Media por 135 millóns de dólares
mércores, 17 de agosto do 2016
Que o grupo de comunicación Gawker
Media entrase
en bancarrota por mor dunha sentenza xudicial foi toda unha sorpresa, de
xeito que cabeceiras en liña que podemos considerar referentes globais como
Lifehacker, Gizmodo ou Kotaku quedaban á espera da súa compra polo mellor ofertante,
que finalmente foi a rede televisiva e editor dixital Univision, que accedeu
a pagar 135 millóns de dólares pola rede de blogs que inclúe ao polémico
Gawker.com (que foi o causante da denuncia que levou ao grupo á quebra, por
invadir a intimidade de Hulk Hogan).
Pode resultar un tanto sorprendente que un medio tan enfocado no público latino
como Univision quixese entrar na poxa, pero
foi o propio dono de Gawker Media, Nick Denton, quen recoñeceu o acordo de
venda que protexerá os postos de traballo actuais, de xeito que os profesionais
da comunicación afectados pola polémica bancarrota non verán como perigan os
seus postos de traballo, aÃnda que cómpre salientar que a operación aÃnda non é
oficial, xa que resta a aprobación por parte do tribunal concursal, que
espérase que chegue en breve.
Pódese considerar que Univision fixo un grande negocio, xa que a intención
inicial de Denton era vender Gawker Media por máis de 250 millóns de dólares, e
con esta operación ampliarÃa a súa estratexia dixital para chegar a un público
moi diverso, xa que, aÃnda que na pequena pantalla estean moi enfocados a un
público latino, na Rede xa teñen medios como The
Onion e The Root (destinados a un
público de fala inglesa e, no último caso, de raza negra) e incluso a rede de
contidos dixitais Fusion (que pretende captar
ao público millennial).