Unha nova plataforma tecnolóxica axudará á xestión dos servizos sociais
xoves, 9 de decembro do 2010
A ConsellerÃa de Traballo e Benestar, a Universidade
de Santiago (USC) e a Fundación Caixa Galicia impulsarán unha plataforma
tecnolóxica dentro do Observatorio Territorial, Económico e Social, coa que se realizarán
proxeccións e análises dos escenarios a curto, medio e longo prazo respecto á
evolución dos distintos colectivos aos que se dirixen os servizos sociais
segundo recolle o convenio
asinado hoxe entre as dúas entidades. Este instrumento, con capacidade de
actualización automática da información, está ultimando a definición do mapa
actual de centros e servizos sociais cos que xa conta Galicia e servirá de
punto de partida dos que se poñan en marcha no futuro.
Esta iniciativa vén a reforzar o Observatorio
Territorial, Económico e Social, cuxo labor arrancou hai dous anos. Traballo e
Benestar desenvolverá esta ferramenta tecnolóxica coa USC e a Fundación Caixa
Galicia para mellorar a calidade, a eficacia e a eficiencia na prestación dos
servizos sociais, ao tempo que permitirá facer unha planificación axeitada dos
mesmos.
A Administración galega, o Instituto Universitario de
Estudos e Desenvolvemento de Galicia (IDEGA) e o Centro de Investigación
Económica e Financeira (CIEF) farán estudos e proxeccións sobre a realidade
socioeconómica da comunidade mediante unha nova aplicación que combina un
sistema de información baseado en tecnoloxÃas SIX (sistema de información xeográfica),
realizado con software libre, e estatÃsticas.
A información que a ConsellerÃa dispón sobre as súas
áreas de actuación complementará as proxeccións e escenarios a corto, medio e
longo prazo que a nova aplicación efectúe sobre os destinatarios dos servizos
sociais (persoas maiores, con discapacidade, nenos de 0 a 3 anos e o resto de
servizos comunitarios e especializados).
AsÃ, o Observatorio Territorial, Económico e Social
contará con máis amplas bases de datos e un maior número de posibilidades de análise
dos mesmos. O seu traballo estará centrado no establecemento e estudo dun
conxunto de indicadores que facilitarán un coñecemento máis profundo da
realidade socioeconómica e territorial galega no eido dos servizos sociais.
- Beatriz Mato, na sinatura do convenio de colaboración co reitor da Universidade de Santiago de Compostela, Juan Casares Long