Unha nova aplicación móbil busca garantir as comunicacións privadas
mércores, 10 de xullo do 2013
- Sunde, Högberg e Olsson son os promotores deste proxecto
Un dos co fundadores de The Pirate Bay, Peter Sunde, xunto cun par de
colaboradores (Leif Högberg e Linus Olsson), iniciaron onte un proxecto de micromecenado co que pretende financiar o
desenvolvemento dunha ferramenta de mensaxerÃa instantánea fermosa e segura
chamada Hemlis, que no seu primeiro dÃa conseguiu superar os 50.000
dólares, deixando claro o interese por este tipo de solucións que buscan
garantir a intimidade nas comunicacións persoais, de xeito que os seus usuarios
poidan intercambiar mensaxes sen que gobernos e empresas poidan espialos.
A palabra hemlis significa segredo en sueco, deixando claras as
intencións desta plataforma que consolidarase en forma de aplicación para
iPhone e Android (sen desbotar outras plataformas máis adiante), buscando tamén
unha boa interface de usuario, aÃnda que o centro deste desenvolvemento será sempre
a seguridade nas comunicacións.
AÃnda que os responsables do proxecto aseguran que no caso de acadar poucos
cartos devolverán os fondos aos mecenas, non parece que vaia darse o caso (é de agardar que completen o financiamento en poucas horas), pois
están a recibir numerosas achegas que sen dúbida garantirán a viabilidade desta
iniciativa que consolidarase nunha aplicación freemium, que ofrecerán unha aplicación de balde básica, con
funcións desbloqueables mediante pagamento (asegurando que en ningún dos casos
colocarán publicidade nin venderán datos dos seus usuarios).
Semellanzas cun proxecto galego
Este proxecto que vai en vÃas de converterse nun éxito internacional contrasta
cunha iniciativa
galega, Privit, que buscaba
xuntar 5.000 euros a través de Indiegogo para botar a andar a súa solución
de comunicación privada, e que quedou a bastante distancia do obxectivo
buscado, o que pode lembrarnos ao acontecido con Gato Salvaje e o seu xogo AR-K, que só conseguiu
trunfar en Kickstarter nun segundo intento no que esforzáronse en chegar ao
público norteamericano con reclamos como a incorporación dunha persoa coñecida
ao seu equipo (o guionista de comics Greg Rucka).
VÃdeo promocional da campaña de micromecenado de Hemlis