Unha filla de Giuliani apoia dende a Rede a outro candidato ás presidenciais norteamericanas
martes, 7 de agosto do 2007
Un dos candidatos republicanos ás presidenciais
norteamericanas, Rudy Giuliani, atopa un novo atranco na súa carreira para
gañar as primarias do seu Partido, xa que a súa filla de 17 anos, Caroline,
apareceu na rede social Facebook coma membro dun grupo de apoio ó candidato demócrata
Barack Obama.
Trala publicación deste feito en Slate,
a moza borrouse do grupo One Million
Strong For Obama, pero iso non evitou que se conservara unha captura de
pantalla na que se podÃa ver como a moza apoiaba a Barack Obama antes que ó seu
propio pai.
O perfil de Caroline continúa estando accesible para as máis de 42.000 persoas
que pertencen as redes de Hardvard e Trinity School dentro de Facebook (aÃnda que
modificou lixeiramente o seu apelido para non ser identificada de xeito doado),
e no mesmo non se indican os motivos polos que a rapaza prefire que o seu pai
non gañe as eleccións á presidencia dos EE.UU., pero con esta descuberta temos
un exemplo de libro do que poderÃa
ser unha mala autodescrición nunha rede social, pois non só afecta á propia
intimidade da moza, senón que pode supor unha vergoña para os seus
proxenitores.