Un fallo de seguridade provoca o caos en Twitter
martes, 21 de setembro do 2010
- A vulnerabilidade detectada en Twitter permitÃa a realización de retuiteos de xeito involuntario e contaxioso
Os
usuarios de Twitter están a vivir nos últimos minutos un completo caos nesta
plataforma de microblogging, pois está
a ser explotado de xeito masivo un fallo de seguridade que afecta á web do
servizo (non asà aos clientes de escritorio e móbiles) que está a provocar
a difusión en cadea de mensaxes coma retuiteos
con só pasar o punteiro do rato sobre unha das mensaxes fraudulentas que actualmente invaden a liña de tempo dos usuarios.
Dende a web de Twitter podemos ver multitude de mensaxes de erro distintas e
comportamentos moi raros da páxina, polo que o máis recomendable durante as
vindeiras horas e non acceder directamente a este espazo e agardar a que parcheen o seu problema de seguridade,
aÃnda que o ataque parece estar contido parcialmente, polo que dá a impresión
de que agora só falta que limpen as
mensaxes reenviadas sen o consentimento dos usuarios.
O fallo de seguridade que está a aproveitarse para crear o caos en Twitter
permite crear mensaxes emerxentes e remitir ao usuario a páxinas web de
terceiros con só pasar o rato sobre unha ligazón, o que provocou un contaxio en
cascada que incluso afectou ao perfil
de Sarah Brown, esposa do anterior primeiro ministro británico, Gordon
Brown, levando aos seus seguidores a visitar unha páxina web pornográfica publicada
dende o Xapón, o que dá a entender que hai spammers
detrás deste ataque a Twitter.