Un enxeñeiro da UVigo formará parte da segunda edición de Imagine Express
mércores, 25 de febreiro do 2015
A Escola de EnxeñarÃa
de Telecomunicación da Universidade de Vigo vén de acoller a
presentación do representante da institución académica viguesa que
participará na segunda edición da Imagine
Express, unha convocatoria que dá comezo este venres da man do
emprendedor catalán Xavier Verdaguer ao abeiro da súa iniciativa
Imagine Creativity Center, un
espazo de traballo radicado en Silicon Valley (Estados Unidos). Dende
este espazo, unha vez ao ano, unha ducia de españois e españolas
traballan durante un mes en retos de desenvolvemento tecnolóxico
lanzados por diversas empresas e entidades. Verdaguer e Sonia Mulero,
directora adxunta da Fundación Banco Sabadell, foron
os encargados de presentar na escola viguesa ao elixido para
participar en Imagine Express.
Trátase de Franco
Pérez Lissi, enxeñeiro, arxentino de nacemento e residente en
Galicia dende hai máis dunha década. Franco subirá este venres a
un tren en Barcelona acompañado doutros 35 dreamers
seleccionados entre máis de 2.000 persoas, para participar nun
equipo formado por outros dous convocados no desenvolvemento de
aplicacións móbiles. En Londres, informa a Universidade de Vigo, os
equipos presentarán na London Eye as súas propostas. As catro
mellores aplicacións móbiles serán dadas a coñecer no Barcelona
Mobile World Congress, que terá lugar entre los dÃas 2 e 5 de marzo
e posteriormente en Silicon Valley.
Finanzas, saúde e
deporte, auga e unha categorÃa aberta, son as liñas de traballo
sobre as que deberán versar as propostas dos e das participantes na
Imagine Express 2015.
Formado como enxeñeiro
de Telecomunicación, primeiro en Vigo e posteriormente no Virginia
Polytechnic Institute and State University en EEUU, Franco Pérez
forma parte da Agrupación Aeroespacial da Universidade de Vigo que
dirixe o profesor e investigador Fernando Aguado. Franco poderá
contar no transcurso da viaxe co apoio dos outros catro enxeñeiros
cos que traballa habitualmente na Agrupación Aeroespacial: Aaron
Narcellas, Bibiano Fernández-Arruti, Xabi Crespo e Diego Hurtado.