Un centenar de profesionais e directivos participaron nas xornadas virtuais de R sobre transformación
venres, 11 de xuño do 2021
A
operadora R vén de pór remate a unha feira profesional virtual
destinada a achegar ás empresas sobre tendencias e infraestruturas
TIC. O encontro desenvolveuse no edificio virtual de R e do Grupo
Euskaltel, The Tech Experience, punto de encontro para a
reflexión sobre o universo dixital e oportunidades para os negocios.
Participaron, dende o luns, especialistas en transformación de
Fortinet, Vmware, Cisco, Microsoft e Citrix, a través dunha serie de
encontros interactivos cos responsábeis das empresas asistentes
(virtualmente). Abordaron temas como a seguridade para a evolucióin
dixital, as comunicacións converxentes ou a experiencia de usuario.
A feira celebrouse baixo o seguinte epígrafe: Semana das
tendencias TIC do futuro: unha sesión, unha solución, unha
tendencia.
Durante
as cinco xornadas sumáronse ás sesións dos/das especialistas preto
dun centenar de profesionais e responsábeis de compañías diversas,
que puideron participar activamente expondo as súas dúbidas e
inquietudes sobre a realidade da empresa dixital. A feira clausurouse
este venres 11 pola mañá.
Os
cinco grandes protagonistas, amais das empresas asistentes ás
actividades, foron Fortinet, Vmware, Cisco, Microsoft e Citrix. Eses
cinco grandes “actores” a nivel mundial das Tecnoloxías da
Información (TIC) puideron explicar, de primeira man, os desafíos
que están por vir e onde están a facer eles os seus principais
esforzos e desenvolvementos.
O
formato, como dixemos, foi o de feira virtual, onde se realiza unha
viaxe automática a través do edificio ata chegar ao posto do
fabricante que lle interesa ao/á profesional visitante;
posteriormente, este/a pode quedar neste espazo para coñecer outros
postos ou zonas.
R
optou, desta volta, por un formato virtual que “leva ao límite o
concepto de axilidade e fluidez das intervencións, con sesións
rápidas duns 30 minutos, artellando módulos didácticos
interactivos”.