Un Kit de Activación Dixital achegará ferramentas para o desenvolvemento de proxectos creativos
luns, 22 de xaneiro do 2018
Para atender á demanda por parte de docentes, centros
culturais, activistas, servizos sociais, traballadores de bibliotecas e moitos
outros profesionais de ferramentas para desenvolver iniciativas centradas na
creación e distribución de contidos elaborados polos seus participantes grazas ás
posibilidades do actual contorno dixital, dende Coruña Dixital decidiron
preparar un Kit de Activación Dixital no que recollen elementos necesarios para
gañar coñecementos, superar eivas e aprender a desenvolver proxectos
educativos, divulgativos, culturais ou sociais.
O
Kit de Coruña Dixital estará dispoñible para o público a partires do 3 de
febreiro, data na que se celebrará un acto no que farase un percorrido
didáctico pola páxina web do proxecto e no que os asistentes coñecerán de
primeira man as experiencias que recolle a plataforma, coa posibilidade de
participar nunha conversa aberta para resolver dúbidas e aprender máis.
O mencionado acto terá lugar de 11:00 a 13:30 horas no Quiosco Alfonso, e
contará coa presenza de Sergio Lago,
coordinador de Coruña Dixital (e desta iniciativa), Roi Guitián e MarÃa Lobo (Gingko) e Cristina de la Torre (La Mujer Forzuda), que son os
responsables do desenvolvemento dos contidos do proxecto.
Os interesados en participar no encontro poden xa inscribirse
a través de Ticketea.