Twitter mellora a súa accesibilidade móbil
martes, 29 de marzo do 2016
A accesibilidade en dispositivos móbiles é algo moi
importante para as persoas con eivas visuais, pero non chega con que as
aplicacións estean adaptadas, senón
que os usuarios, á hora de publicar contidos na Internet, tamén temos que
contribuÃr a mellorar a situación, para o que Twitter está a comezar a aplicar unha
nova prestación que chega ás aplicacións para iOS e Android, e permite que ao
compartir unha imaxe nun chÃo poidamos engadir unha descrición da mesma, de
xeito que os usuarios que empreguen lectores de pantalla poderán escoitar ese
texto para saber o que representa a imaxe que compartimos.
Mentres os chÃos continúan limitados a 140 caracteres, as descricións das
imaxes compartidas poden chegar até os 420 caracteres, de xeito que non
resultará complicado explicar o que amosa unha imaxe que non está dispoñible
para as persoas con problemas visuais, e que asà poden gozar dun xeito máis
completo de Twitter.
A nova funcionalidade estará presente nas miniaturas das imaxes que subamos a
Twitter sempre que na configuración da aplicación indiquemos no apartado de
accesibilidade que queremos compor as imaxes con descrición (sendo unha opción
que podemos activar/desactivar cando desexemos), e aÃnda que non se prevé que
vaia converterse nunha funcionalidade de uso masivo, é de agardar que si se
faga en contidos dirixidos a certos colectivos ou, simplemente, no caso de
entidades que coiden a súa responsabilidade social na súa presenza en liña.