Tuenti Móvil estrea o pagamento fraccionado de varios dos seus smartphones

Tuenti Móvil ofrece o Samsung Galaxy S III por 24 mensualidades de 26,46 euros

O operador móbil de baixo custo de Movistar, Tuenti Móvil, para facilitar a adquisición de 5 dos seus móbiles e incluso o tablet Samsung Galaxy Tab 2 estrea un sistema de pagamento a prazos desenvolvido xunto a Cetelem, sumándose a unha tendencia emerxente que fai máis asumible a compra de terminais de alta gama sen ter que recorrer a elevadas facturas mensuais para conseguir grandes descontos no primeiro pagamento.
O tablet de Samsung pode así adquirirse por 15,63 euros/mes durante 24 horas, mentres que os móbiles HTC Desire C e Nokia Lumia 610 precisan do pagamento de 13,06 e 14,17 euros/mes durante 18 meses respectivamente. No caso do Samsung Galaxy S II, o HTC One X e o Samsung Galaxy S III o número de mensualidades sería 24, e as cantidades mensuais a pagar de 20,21, 25,63 e 26,46 euros respectivamente. A novidade que teñen estes prezos é que o financiamento carece de xuros, ou sexa, que custa practicamente o mesmo fraccionar o pagamento dun móbil que aboar o seu prezo de vez.