Trivago acada nun ano 1 millón de seareiros en Facebook
martes, 4 de setembro do 2012
O servizo Trivago, un dos
máis usados na Rede para pór uns hoteis do mundo en relación con
outros (e elixir o que máis nos convén cando vaiamos de viaxe), vén
de anunciar que deixou atrás a cifra de un millón de seareiros no
seu perfil internacional en Facebook, unha cifra que non está
mal se temos en conta que o dito espazo de seu foi aberto hai algo
máis de un ano. Dende este perfil, informan fontes do servizo,
compártese cos seareiros de todo o mundo un amplo abano de contidos:
novas, resultados de estudos, enquisas, os obxectivos da compañía e
as vantaxes que esta pon en xogo de traballarmos nela.
“Ademais”, engade Trivago, “os seareiros
benefícianse de moitas vantaxes extra, como o acceso exclusivo a
grandes descontos en hoteis escolmados arredor de todo o mundo”.
Dende a posta en marcha do espazo de seu en Facebook, Trivago levou a
cabo diversos concursos entre a comunidade de usuarias e usuarios,
como por exemplo trivago:
agua para todos, un
actividade solidaria que consistiu en doar, da man da compañía, un
dólar para a ONG Charity: water (encargada
de levar auga potábel aos países con menores recursos) por cada vez
que alguén confirmaba a súa adhesión ao perfil. A maior parte dos
seareiros do servizo en Facebook son de Italia (37%), España (11%) e
Grecia (10%).