The New York Times forza a retirada temporal dunha aplicación para iPad
martes, 8 de xuño do 2010
Pulse
News Reader é unha aplicación para iPad que permite a lectura de fluxos RSS
no dispositivo de Apple dun xeito elegante e atractivo (aÃnda que posiblemente
non moi práctico) que Steve Jobs comentou coma exemplo de desenvolvemento prometedor
durante a súa aparición no WWDC de San Francisco no que presentaron o iPhone 4,
pero sorprendentemente a poucas horas deste acontecemento, tiveron
que retirar a mencionada aplicación da App Store tras unha reclamación por parte
de The New York Times, compañÃa que considera que Pulse viola as condicións
de uso dos seus RSS por permitir non só a súa lectura dende unha ferramenta de
pagamento (custa 2,99 euros), senón tamén por permitir a lectura das novas
completas dende a propia aplicación (sen abrilas nun navegador web externo) o
que serÃa coma apropiarse do seu
contido.
Resulta rechamante que unha publicación está a evitar a distribución dos seus
contidos nunha plataforma con tanto potencial coma o iPad vetando o uso dos
seus fluxos RSS dende aplicacións coma Pulse, que xa sumara 35.000 descargas e
que ata hai poucas horas estaba fóra da App Store, aÃnda que finalmente volve a
estar dispoñible (entendemos que por eliminar ao The New York Times coma fonte
de información incorporada coma exemplo).
Tamén é curioso que The New York Times tome este tipo de medida agora, cando
durante anos houbo aplicacións de lectura de RSS semellantes a Pulse para
diferentes plataformas. ¿Será que entenden que o iPad está a cambiar o xeito en
que o público ve a prensa dixital?
Exemplo do funcionamento do Pulse News Reader no iPad
