Televés triunfa coa súa integración de redes de datos na feira xermana de ANGACOM
martes, 23 de xuño do 2015
A
empresa galega Televés
vén de analizar de xeito positivo a súa presenza na pasada edición
de ANGACOM
(do 9 ao 11 de xuño), un encontro de referencia a nivel
internacional para os sectores do
cable e o satélite. AsÃ, a empresa
de servizo de telecomunicacións levou até a cidade xermana de
Colonia as súas solucións de fibra óptica para a hibridación de
servizos de RFoG (Radio
Frecuency over Glass)
e datos en banda ancha a través de redes GPON e CoaxData. As ditas
solucións foron desenvolvidas por Televés para responder ás
necesidades dos operadores de cable para dixitalizar os seus
servizos.
Asemade,
tamén resultou ser un éxito a nova gama NevoSwitch, un completo
catálogo de multiconmutadores, derivadores, repartidores e
amplificadores de liña desenvolvidos e fabricados por Televés en
modernas liñas robotizadas. Permiten elaborar instalacións de
distribución de catro polaridades de televisión por satélite e
terrestre, en topoloxÃa estrela ou fervenza, e dispoñen de sistema
ECO polo que o consumo da instalación se reduce a medida que diminúe
o número de usuarios conectados. Os módulos para cabeceiras de
distribución T.0X, as solucións IPTV (distribución de televisión
sobre protocolo de Internet) para o sector Hospitality, e os
medidores de campo portátiles con procesado dixital HSeries foron
tamén protagonistas a salientar na exposición de Televés en
ANGACOM.