Televés mostrará en Anga Com Digital 2021 os seus últimos avances en hospitality
mércores, 2 de xuño do 2021
A
edición 2021 do evento tecnolóxico internacional Anga
Com levarase a cabo en formato totalmente virtual entre os días
8 ao 10 de xuño, reunindo unha axenda con máis de 180 relatores e
40 paneis. Entre as empresas máis sobranceiras que presentarán as
súas últimas novidades atópase a
galega Telvés, que centrará a súa presenza este ano no sector da
hostalaría. Contará cunha caseta dixital dende a que mostrará
as potencialidades das súas infraestruturas de telecomunicacións
para hoteis e hospitais, onde se integran os sistemas de xestión
xunto cos servizos audiovisuais máis avanzados para os seus
hóspedes, nunha única rede multiservicio de alta velocidade.
Segundo
explican fontes da compañía con sede en Compostela, “o sector
hospitality é un dos alicerces estratéxicos de Televés”,
ao abeiro do cal despregou redes multiservizo de fibra óptica e sen
fíos, integrando o software de xestión PMS e BMS para brindar
control de servizos en todo o edificio, como CCTV, programación de
iluminación e climatización, ou vixilancia de accesos de entrada.
Televés
engade que desenvolveu tecnoloxías para ofrecer información e
entretemento en calquera pantalla de TV e personalización de
contidos para cada habitación do hospital obxecto dos seus
desenvolvementos, como IPTV, televisión interactiva, casting
de contidos, etc., mediante o despregue de solucións Fiber to the
Room (FTTR), puntos de acceso Wi-Fi e portais de sinalización
dixital, que despregou para centos de hoteis e hospitais de todo o
mundo.
Guillermo
Fernández, director de Produto Hospitality de Televés define a
aplicación dunha rede multiservizo avanzada como "a solución
perfecta para que o xerente do edificio logre unha integración
fluída dos sistemas e aplicacións propios con servizos avanzados de
información e comunicación para o hóspede" nunha
infraestrutura que pode xerar aforros en OPEX de até un 30% e un 80%
en CAPEX, facendo das solucións de Televés Hospitality unha
garantía de eficiencia e servizo a 360º.
