Televés instala as súas balizas Arousa no Observatorio Galáctica de Arcos de las Salinas
martes, 6 de setembro do 2022
Televés
está a poñer a súa tecnoloxìa en iluminación intelixente,
eficiente e sustentábel ao servizo de espazos de investigación
impulsados para revilitazar contornas da chamada “España
baleirada”. Por
exemplo o Observatorio Galáctica de Arcos de las Salinas (Teruel),
que contarán coas balizas Arousa de Televés para alumear os
seus exteriores. Trátase dun parque científico habilitado tras dez
anos de desenvolvemento e cun investimento de 1,2 millóns de euros e
que, en palabras de Televés, constitúe un complexo de investigación
único en Europa, “unha infraestrutura científico-técnica
singular na que a divulgación e a investigación serán absolutas
protagonistas”.
O
centro, equipado con instrumentación profesional e ata cunha sala de
control, non será só un espazo para a produción de ciencia e
innovación, senón tamén para a divulgación e as acttividades de
tipo didáctico e de lecer. “Unha característica que se espera
revitalice a localidade de Arcos de Salinas e a toda a súa
contorna”, informou a empresa tecnolóxica compostelá, engadindo
que só neste primeiro verán de funcionamento a previsión é
recibir uns 5.000 visitantes, mentres que ao longo do próximos catro
anos estímase que esta cifra se eleve ata os 110.000, o que sitúa a
media anual en 27.000 visitantes. “Unhas cifras que, sen dúbida,
converterán á Serra de Gúdar-Javalambre nun lugar de interese
turístico, todo grazas á ciencia”, engade a compañía.
O
compoñente lumínico achegado por Televés ten na súa orixe a
necesidade de garantir e acompañar nas mellores condicións posíbeis
a observación do cosmos. Da man da empresa instaladora Aplicacións
Eléctricas Sánchez e o distribuidor Jab Teruel, despregáronse as
balizas Arousa en temperatura de cor PC Ámbar, solución idónea
para a iluminación de centros urbanos e zonas peonís, xa que as
luminarias cumpren cos requisitos técnicos establecidos polo
CEI/IDAE.
O
deseño e fabricación (tanto electrónica como mecánica) das
balizas Arousa foi realizado na súa totalidade por Televés, quen xa
atesoura unha gran experiencia neste eido, como demostran os seus
despreguens intelixentes e sustentábeis en Martos, Xaén (cusa
iluminación pública enaltece a súa condición de destino turístico
protexendo a visibilidade do ceo nocturno).