Telefónica prestará os servizos de comunicacións móbiles de PSA Peugeot Citroën en Europa
martes, 13 de outubro do 2009
A operadora nacional Telefónica,
ven de ser a compañía escollida polo Grupo PSA Peugeot Citroën para levar a cabo as súas comunicacións móbiles
por un periodo de tres anos en España, Portugal, República Checa, Reino Unido,
Alemaña, Holanda, Bélxica e Francia.
A operadora, que acudiu
ao request for proposal do fabricante
automobilístico coas súas filiais móbiles exclusivas para cada un dos
devanditos países, gañou ao resto de operadoras que se presentaron á oferta en
tódolos países nos que competían, o que supón unha achega de preto de 23.000
liñas móbiles.
Trátase do contrato
internacional en servizos de comunicacións móbiles máis grande asinado ata o
momento pola compañía, cunha alianza de provedores liderados a nivel
internacional por Telefónica, cunha oferta que superou as dos seus competidores
nos seus mercados naturais.
O concurso, que lle foi adxudicado
a Telefónica e á súa alianza de operadoras europeas, lanzouse para todas as
empresas do Grupo PSA Peugeot Citröen, constituído por PCA, fabricante de vehículos,
as marcas comercializadoras de Automóviles Peugeot e Automóviles Citröen,
GEFCO, operador loxístico do Grupo PSA e Faurecia, fabricante de compoñentes de
vehículos.
A experiencia adquirida con este novo acordo como provedor de
comunicacións móbiles de PSA Peugeot
Citroën en Europa Occidental, permitiralle a Telefónica
ampliar o seu alcance a novos mercados como os de Latinoamérica (Brasil,
Arxentina) e China onde o Grupo automobilístico ten actividade.
Na adxudicación das súas comunicacións móbiles para os países citados, PSA Peugeot Citroën valorou a
capacidade de Telefónica e os seus aliados “para dar unha resposta única mediante unha
soa oferta unificada para todos os países, liderada polo equipo comercial
español da empresa de telecomunicacións”.
Grazas a esta oferta global de servizos móbiles, o Grupo PSA beneficiarase de economías de escala na compra e
xestión de servizos así como das sinerxías entre os distintos países onde Telefónica e os seus aliados prestan os seus servizos.
Outra vantaxe para o cliente radica na homoxeneización do parque de terminais
así como a optimización da súa xestión.