Telefónica ofrecerá máis datos e contidos aos seus clientes para mitigar o impacto social do coronavirus
martes, 10 de marzo do 2020
O presidente executivo de Telefónica, José María
Álvarez-Pallete, vén de anunciar que ante
o impacto social do COVID-19 van emprender medidas para garantir que a súa
rede de telecomunicacións funcione a pleno rendemento, dun xeito fiable,
estable e seguro; e a nivel interno tamén propiciarán que os seus profesionais
tiren proveito do teletraballo, especialmente cando teñan fillos en idade
escolar ou familiares en conectivos de risco.
De cara aos consumidores, Pallete asegura que van incrementar 30 GB de datos ao
mes (durante 2 meses) ás liñas móbiles dos clientes de Fusión e de contratos
móbiles de Movistar; para facilitar o lecer no fogar incrementarán a súa oferta
de contidos (especialmente contidos infantís e eventos deportivos) a través da aplicación
Movistar+ Lite, onde os clientes e non clientes poderán gozar dun mes de balde;
e ofrecerán de balde aos clientes de Fusión a aplicación con contidos para pequenos
Movistar Junior.
Tamén anuncia que dende a Fundación Telefónica van reforzar os seus contidos
educativos a través de plataformas dixitais en liña (Scolartic e a Plataforma
Conecta Empleo).