Telefónica leva fibra óptica a 256 fogares do rural na Baixa Limia
mércores, 16 de decembro do 2020
Un
total
de 256 fogares do rural de Grou, na Baixa Limia, dispoñen xa do
servizo de fibra óptica. A operadora de telecomunicacións
Telefónica está a realizar a instalación desta tecnoloxía neste
termo municipal de Lobios dende hai varias semanas. A compañía
engade que a conexión xa poderá establecerse en varias localidades
da parroquia de San Mamede de Grou.
Así,
o servizo está xa dispoñíbel en Cima de Vila, Casardomato, O Eido,
Casar de Cima, o Souto, Ferreiros, Corgo, Carreira, Pazos, A Cruz,
Reguengo, Silvares, Requeixo, Barrallo, Foz e A Rasela.
Nos
vindeiros días, e para facilitar a información da veciñanza,
colocaranse bandos informativos para explicar como informarse sobre
estas conexións.
Os
devanditos serán os primeiros puntos (16 núcleos) con conexión á
fibra óptica do municipio de Lobios onde Telefónica está a
desenvolver o despregue. A maiores, segundo informa a operadora, a
conexión chegará antes do remate de ano a 5 parroquias mais (553
vivendas) do concello de Lobios no que supón aproximadamente o 65%
do termo municipal, “cun alcance inicial previsto de 982 unidades
inmobiliarias para finais do 2021”, explica Telefónica, engadindo
que tamén en Entrimo (869 vivendas) e Lobeira (275 vivendas) se está
a despregar fibra de Telefónica.
“Tentaremos
que as conexións vaian chegando a todas as parroquias, no que será
un gran paso para o desenvolvemento do noso rural”, indica o xefe
de Operacións de Telefónica en Galicia e Asturias, César
Rodríguez, poñendo o foco na vontade da compañía de achegar o
máximo servizo territorial: “A fibra chegará aos núcleos de
poboación de toda a provincia, brindando todos os servizos como son
Movistar+, voz IP e velocidades de ultima xeración. O mesmo do que
se desfruta nas cidades e o teletraballo serán posíbeis no rural, o
que axudará a que moita xente non abandone os pobos”.
A
extensión acométese a través do Fondo Europeo Agrícola de
Desenvolvemento, co proxecto de extensión de redes de banda larga
ultrarrápida en entidades de poboacións galegas.